Horumarka Nolosha Qeybta 1aad

Asalaamu Caleykum Waraxmatullah.

Dhamaan akhristayaasha sharafta leh, qormadeena maanta waxaan kaga hadli doonaa

haddii Alla idmo qodobo aad u muhiim ah, kuna saabsan horumarinta Nolosha aadanaha, innagoo marba dhinac ka eegi doono haddii Alle ogolaado. Qeybta koowaad ee maanta kabogosha wacan.

Bani’aadamka Alle wuxuu siiyay Caqli iyo Maskax wuxuuna ka fadilaay (ka kormariyay) Noolaha kasoo haray, sida Alle Quranka innoogu sheegay Aayada ﴾70﴿  Surat Al-Isra. Haddaba waxaa loo baahan yahay in laga shaqeysiiyo Caqligaas si waxtarkiisu loo gaadho,

Caqligu wuxuu la midyahay beer, mar walba oo aan ka shaqeysiinno oo aynu inbadan fikirno waxay uga dhigantahay waraabin taas oo sababeyso in uu caqligu kobco meelo fogfogna laaco. marka aan iska joogno oo aynu waxba isku dayin waxuu la mid yahay beerta aan la waraabin ee iska qalasho kadibna baaba’do. qofna hormar ma gaari karo isagoon

Isku dayin in uu sameeyo wax ula muuqdo in ay ku adagyihiin. dadka nolosha ku fashilmo waxay u qeybsamaan labo, kuwo fikiro laakiin aan ficil u badalin wixii ay ku fikireen iyaga oo isleh macquul ma ahan sidaan, amaa la idin la yaabaa; oo la idinku qoslaa waxaan haddii aad dadka la hortagtaan. kuwa kale waa kuwo aan fikirin waligood laakiin wax sameeyo, wey ordaan afar iyo labaatan saac, ma nastaan. mar un baad maqleysaa habel wey kadaba timid, ganacsigiisi wuu is toogtay. waligiis wuu ordaayay laakiin marna isma oran qorsho degso midka koowaad haddii aad ku fashilanto aad midka labaad u

gudubto ilaa kan ugu danbeeyo. qofka sidaa qorshe u degsado rabbigiisna la kaashado

Waligiis ma fashilmo. isla soco ha iska socone. Guul darrada koowaad waa shidaalka guushaada. Guuleystuhu wuxuu had iyo goor ka fikiraa waxa xal noqon karo halka midka faashilmay ka werwero dhibka dhacay. Guuleystuhu ma dhamaadaan afkaartiisu halka faashilmuhu aysan dhammaan cudur daarkiisa. Guuleystuhu waa kan mar walba caawiyo oo gacansiiyo u ixsaan falo dadka kale halka faashilmuhu uu mar walba fisho in la gacan qabto, loo gurmado. Guuleystuhu wuxuu aaminsanyahay in dhib iyo caqabad walba xal leedahay, halka fashilmuhu xal walba u arko dhib. Guuleystuhu wuxuu yiraahdaa xalku wuu adagyahay laakiin waa macquul in la gaaro

Halka faashilmuhu uu ka yiraahdo xalku waa macquul laakiin way adagyahay in lagaaro.

Lasoco Qeybta labaad I.A